فتنہ اٹھے کوئی یا گھات میں دشمن بیٹھے

فتنہ اٹھے کوئی یا گھات میں دشمن بیٹھے

کار الفت پہ تو اب حضرت دل ٹھن بیٹھے

شیخ کعبے میں کلیسا میں برہمن بیٹھے

ہم تو کوچہ میں ترے مار کے آسن بیٹھے

سوئے دولت نظر آئی نہ جو راہ اعزاز

مسند صبر و توکل ہی پہ ہم تن بیٹھے

ہوں میں وہ رند اگر حشر میں ملزم ٹھہروں

فیصلے کے لئے حوروں کا کمیشن بیٹھے

انقلاب روش چرخ کو دیکھ اے اکبرؔ

کل جو تھے دوست مرے آج عدو بن بیٹھے

ہند سے آپ کو ہجرت ہو مبارک اکبرؔ

ہم تو گنگا ہی پہ اب مار کے آسن بیٹھے

fitna uthe koi ya ghat mein dushman baithe

kar ulfat pe to ab hazrat-e-dil than baithe

shaikh kaabe mein kalisa mein barahman baithe

ham to kucha mein tire mar ke asan baithe

su-e-daulat nazar ai na jo rah-e-ezaz

masnad-e-sabr-o-tawakkul hi pe ham tan baithe

hun main wo rind agar hashr mein mulzim thahrun

faisle ke liye huron ka kamishan baithe

inqilab-e-rawish-e-charkh ko dekh ai akbar

kal jo the dost mire aj adu ban baithe

hind se ap ko hijrat ho mubarak akbar

ham to ganga hi pe ab mar ke asan baithe