تو نے جسے بنایا اس کو بگاڑ ڈالا

تو نے جسے بنایا اس کو بگاڑ ڈالا

اے چرخ میں نے اپنی عرضی کو پھاڑ ڈالا

برباد کیا اجل نے مجھ کو کیا یہ کہئے

روح رواں نے اپنے دامن کو جھاڑ ڈالا

دستار و پیرہن گم اور جیب و کیسہ خالی

تہذیب مغربی نے ہم کو چتھاڑ ڈالا

بنیاد دیں ہوائے دنیا نے منہدم کی

طوفان نے شجر کو جڑ سے اکھاڑ ڈالا

اچھا ملا نتیجہ مجھ کو مراسلت کا

قاصد کو قتل کر کے نامہ کو پھاڑ ڈالا

tu ne jise banaya us ko bigar dala

ai charkh main ne apni arzi ko phar dala

barbad kya ajal ne mujh ko kya ye kahiye

ruh-e-rawan ne apne daman ko jhar dala

dastar-o-pairahan gum aur jeb-o-kisa khali

tahzib-e-maghribi ne ham ko chithar dala

buniyad den hawa-e-duniya ne munhadim ki

tufan ne shajar ko jur se ukhar dala

achchha mila natija mujh ko murasalat ka

qasid ko qatl kar ke nama ko phar dala