اس میں عکس آپ کا اتاریں گے

اس میں عکس آپ کا اتاریں گے

دل کو اپنے یوں ہیں سنواریں گے

ہم سے کرتی ہے یہ بہت غمزے

ہم بھی دنیا پہ لات ماریں گے

رزق مقسوم ہی ملےگا اسے

کوئی دنیا میں دوڑے یا رینگے

عشق کہتا ہے لطف ہوں گے بڑے

ہجر کہتا ہے جان ماریں گے

دل کی افسردگی نہ جائے گی

ہاں وہ چاہیں گے تو ابھاریں گے

دل نہ دوں گا میں آپ کو ہرگز

مفت میں آپ جان ماریں گے

پند اکبرؔ کو دیں گے کیا ناصح

گل کو کیا باغباں سنواریں گے

is mein aks ap ka utarenge

dil ko apne yun hain sanwarenge

ham se karti hai ye bahut ghamze

ham bhi duniya pe lat marenge

rizq maqsum hi milega use

koi duniya mein daure ya renge

ishq kahta hai lutf honge bare

hijr kahta hai jan marenge

dil ki afsurdagi na jaegi

han wo chahenge to ubharenge

dil na dunga mein ap ko hargiz

muft mein ap jan marenge

pand akbar ko denge kya naseh

gul ko kya baghban sanwarenge