حاکم دل بن گئی ہیں یہ تھیٹر والیاں

حاکم دل بن گئی ہیں یہ تھیٹر والیاں

میں لگاؤں گا گل داغ جگر کی ڈالیاں

ضبط کے جامے کے بخیہ ٹوٹتے ہیں دوستو

ہائے یہ بیلیں کشیدے اور ایسی جالیاں

حور مستقبل پری ماضی مگر یہ حال ہیں

دی و فردا کیا کروں پاؤں جو یہ خوش حالیاں

آسماں سے کیا غرض جب ہے زمیں پر یہ چمک

ماہ و انجم سے ہیں بڑھ کر ان کے بندے بالیاں

فول وہ کہتی ہیں مجھ کو میں انہیں سمجھا ہوں پھول

ہیں گل رنگیں سے بہتر ان گلوں کی گالیاں

hakim-e-dil ban gai hain ye thetar waliyan

main lagaunga gul-e-dagh-e-jigar ki daliyan

zabt ke jame ke bakhiya tutte hain dosto

hae ye belen kashide aur aisi jaliyan

hur-e-mustaqbil pari mazi magar ye hal hain

di-o-farda kya karun paon jo ye khush haliyan

asman se kya gharaz jab hai zamin par ye chamak

mah-o-anjum se hain barh kar un ke bande baliyan

faul wo kahti hain mujh ko main unhen samjha hun phul

hain gul-e-rangin se behtar in gulon ki galiyan