خوب فرمایا کہ اپنا پیار رہنے دیجے

خوب فرمایا کہ اپنا پیار رہنے دیجے

آپ ہی یہ غمزہ و انکار رہنے دیجے

چاندنی برسات کی نکھری ہے چلتی ہے نسیمؔ

آج تو للہ یہ انکار رہنے دیجے

چشم بد دور آپ کی نذریں ہیں خود موج شراب

بس مجھے بے مے پئے سرشار رہنے دیجے

کیجیئے اپنی نگاہ فتنہ افزا کا علاج

نرگس بیمار کو بیمار رہنے دیجے

چھوڑنے کا میں نہیں اب آپ کو اے جان جاں

ہے اگر مجھ پر خدا کی مار رہنے دیجے

ہم کنار اس بحر خوبی سے نہ ہوں گے اکبرؔ آپ

ایسے منصوبے سمندر پار رہنے دیجے

khub farmaya ke apna pyar rahne dije

ap hi ye ghamza-o-inkar rahne dije

chandni barsat ki nikhri hai chalti hai nasim

aj to lillah ye inkar rahne dije

chashm-e-bad dur ap ki nazren hain khud mauj-e-sharab

bas mujhe be mai piye sarshar rahne dije

kijie apni nigah-e-fitna afza ka ilaj

nargis-e-bimar ko bimar rahne dije

chhorne ka main nahin ab ap ko ai jan-e-jan

hai agar mujh par khuda ki mar rahne dije

ham kanar is bahr-e-khubi se na honge akbar ap

aise mansube samundar par rahne dije