سچ ہے کسی کی شان یہ اے نازنیں نہیں

سچ ہے کسی کی شان یہ اے نازنیں نہیں

تو ہر جگہ ہے جلوہ گر اور پھر کہیں نہیں

میں نے وفور شوق میں شاید سنا نہ ہو

یا شاید آپ ہی نے نہ کی ہو نہیں نہیں

دست جنوں سے قطع ہوا پیرہن مرا

دامن نہیں ہے جیب نہیں آستیں نہیں

میں تم سے کیا بتاؤں کہ اس وقت ہوں کہاں

جب تم ہو پیش چشم تو پھر میں کہیں نہیں

جب سے گناہ چھوڑ دئے سب کھسک گئے

اب کوئی میرا دوست نہیں ہمنشیں نہیں

اکبرؔ ہمارے عہد کا اللہ ر انقلاب

گویا وہ آسمان نہیں وہ زمیں نہیں

sach hai kisi ki shan ye ai naznin nahin

to har jagah hai jalwa gar aur phir kahin nahin

main ne wafur-e-shauq mein shayad suna na ho

ya shayad ap hi ne na ki ho nahin nahin

dast-e-junun se qata hua pairahan mira

daman nahin hai jeb nahin astin nahin

main tum se kya bataun ke is waqt hun kahan

jab tum ho pesh-e-chashm to phir main kahin nahin

jab se gunah chhor diye sab khisak gae

ab koi mera dost nahin hamnashin nahin

akbar hamare ahd ka allah r inqilab

goya wo asman nahin wo zamin nahin