ہستی کے شجر میں جو یہ چاہو کہ چمک جاؤ

ہستی کے شجر میں جو یہ چاہو کہ چمک جاؤ

کچے نہ رہو بلکہ کسی رنگ میں پک جاؤ

میں نے کہا قائل میں تصوف کا نہیں ہوں

کہنے لگے اس بزم میں آؤ تو تھرک جاؤ

میں نے کہا کچھ خوف کلکٹر کا نہیں ہے

کہنے لگے آ جائیں ابھی وہ تو دبک جاؤ

میں نے کہا ورزش کی کوئی حد بھی ہے آخر

کہنے لگے بس اس کی یہی حد ہے کہ تھک جاؤ

میں نے کہا افکار سے پیچھا نہیں چھٹتا

کہنے لگے تم جانب مے خانہ لپک جاؤ

میں نے کہا اکبرؔ میں کوئی رنگ نہیں ہے

کہنے لگے شعر اس کے جو سن لو تو پھڑک جاؤ

hasti ke shajar mein jo ye chaho ke chamak jao

kachche na raho balke kisi rang mein pak jao

main ne kaha qail mein tasawwuf ka nahin hun

kahne lage is bazm mein ao to thirak jao

main ne kaha kuchh khauf kalaktar ka nahin hai

kahne lage a jaen abhi wo to dabak jao

main ne kaha warzish ki koi had bhi hai akhir

kahne lage bas us ki yahi had hai ke thak jao

main ne kaha afkar se pichha nahin chhutta

kahne lage tum janib-e-mai khana lapak jao

main ne kaha akbar mein koi rang nahin hai

kahne lage sher us ke jo sun lo to pharak jao