صبر رہ جاتا ہے اور عشق کی چل جاتی ہے

صبر رہ جاتا ہے اور عشق کی چل جاتی ہے

ضبط کرتا ہوں مگر آہ نکل جاتی ہے

کچھ نتیجہ نہ سہی عشق کی امیدوں کا

دل تو بڑھتا ہے طبیعت تو بہل جاتی ہے

شمع کے بزم میں جلنے کا جو کچھ ہو انجام

مگر اس عزم سے سانچے میں تو ڈھل جاتی ہے

وعدۂ بوسۂ ابرو کا نہ کر غیر سے ذکر

دل لگی میں کبھی تلوار بھی چل جاتی ہے

sabr rah jata hai aur ishq ki chal jati hai

zabt karta hun magar ah nikal jati hai

kuchh natija na sahi ishq ki ummidon ka

dil to barhta hai tabiat to bahal jati hai

shama ke bazm mein jalne ka jo kuchh ho anjam

magar is azm se sanche mein to dhal jati hai

waada-e-bosa-e-abru ka na kar ghair se zikr

dil lagi mein kabhi talwar bhi chal jati hai