خدا کی ہستی کو یاد رکھنا اور اپنی ہستی کو بھول جانا

خدا کی ہستی کو یاد رکھنا اور اپنی ہستی کو بھول جانا

نظر اسی پر ہے اور باتوں کو میں نے بالکل فضول جانا

جنوں ہم ایسوں کو کیا تعجب بہار کا ہے سماں ہی ایسا

صبا کا اٹھکھیلیوں سے چلنا خوشی سے کلیوں کا پھول جانا

جہان فانی کی انجمن میں یہی تسلسل ہمیشہ دیکھا

امید کے ساتھ شاد آنا اٹھا کے صدمہ ملول جانا

khuda ki hasti ko yad rakhna aur apni hasti ko bhul jana

nazar usi par hai aur baton ko main ne bilkul fuzul jana

junun ham aison ko kya taajjub bahar ka hai saman hi aisa

saba ka athkheliyon se chalna khushi se kaliyon ka phul jana

jahan-e-fani ki anjuman mein yahi tasalsul hamesha dekha

umid ke sath shad ana utha ke sadma malul jana