آئی ہوگی کسی کو ہجر میں موت

آئی ہوگی کسی کو ہجر میں موت

مجھ کو تو نیند بھی نہیں آتی

عاقبت میں بشر سے ہے یہ سوا

جانور کو ہنسی نہیں آتی

حال وہ پوچھتے ہیں میں ہوں خموش

کیا کہوں شاعری نہیں آتی

ہم نشیں بک کے اپنا سر نہ پھرا

رنج میں ہوں ہنسی نہیں آتی

عشق کو دل میں دے جگہ اکبرؔ

علم سے شاعری نہیں آتی

ai hogi kisi ko hijr mein maut

mujh ko to nind bhi nahin ati

aqibat mein bashar se hai ye siwa

janwar ko hansi nahin ati

hal wo puchhte hain main hun khamosh

kya kahun shayari nahin ati

ham nashin bik ke apna sar na phira

ranj mein hun hansi nahin ati

ishq ko dil mein de jagah akbar

ilm se shayari nahin ati