خود آرا وحشتِ چشمِ پری سے شب وہ بد خو تھا

خود آرا وحشتِ چشمِ پری سے شب وہ بد خو تھا

کہ موم آئینۂ تمثال کو تعویذ بازو تھا

بہ شیرینیٔ خواب آلودہ مژگاں نشترِ زنبور

خود آرائی سے آئینہ طلسمِ مومِ جادو تھا

نہیں ہے باز گشتِ سیل غیر از جانبِ دریا

ہمیشہ دیدۂ گریاں کو آبِ رفتہ در جو تھا

رہا نظارہ وقتِ بے نقابی آپ پر لرزاں

سرشک آگیں مژہ سے دست از جاں شستہ برو تھا

غمِ مجنوں عزادارانِ لیلیٰ کا پرستش گر

خمِ رنگِ سیاہ پیمانہ ہر چشمِ آہو تھا

رکھا غفلت نے دور افتادہ ذوقِ فنا ورنہ

اشارت فہم کو ہر ناخنِ بریدہ ابرو تھا

اسدؔ خاکِ درِ مے خانہ اب سر پر اڑاتا ہوں

گئے وہ دن کہ پانی جامِ مے سے زانو زانو تھا

khud ara wahshat-e-chashm-e-pari se shab wo bad khu tha

ke mom-e-aina-e-timsal ko taawiz-e-bazu tha

ba shirini-e-khwab aluda mizhgan nashtar-e-zambur

khud arai se aina tilism-e-mom-e-jadu tha

nahin hai baz gasht-e-sail-e-ghair az janib-e-dariya

hamesha dida-e-giryan ko ab-e-rafta dar jo tha

raha nazzara waqt-e-be naqabi ap par larzan

sarishk agin mizha se dast az jan shusta baro tha

gham-e-majnun azadaran-e-laila ka parastish gar

kham-e-rang-e-siyah paimana har chashm-e-ahu tha

rakha ghaflat ne dur uftada zauq-e-fana warna

isharat fahm ko har nakhun-e-burida abru tha

asad khak-e-dar-e-mai khana ab sar par urata hun

gae wo din ke pani jam-e-mai se zanu zanu tha