اس جور و جفا پر بھی بدظن نہیں ہم تجھ سے

اس جور و جفا پر بھی بدظن نہیں ہم تجھ سے

کیا طرفہ تمنّا ہے امیدِ کرم تجھ سے

امّیدِ نوازش میں کیوں جیتے تھے ہم آخر

سہتے ہی نہیں کوئی جب درد و الم تجھ سے

وارفتگیٔ دل ہے یا دستِ تصرّف ہے

ہیں اپنے تخیّل میں دن رات بہم تجھ سے

یہ جور و جفا سہنا پھر ترکِ وفا کرنا

اے ہرزہ پژوہی بس عاجز ہوئے ہم تجھ سے

غالبؔ کی وفا کیشی اور تیری ستم رانی

مشہورِ زمانہ ہے اب کیا کہیں ہم تجھ سے

is jaur-o-jafa par bhi badzan nahin ham tujh se

kya turfa tamanna hai ummid-e-karam tujh se

ummid-e-nawazish mein kyun jite the ham akhir

sahte hi nahin koi jab dard-o-alam tujh se

waraftagi-e-dil hai ya dast-e-tasarruf hai

hain apne takhayyul mein din rat baham tujh se

ye jaur-o-jafa sahna phir tark-e-wafa karna

ai harza pizhohi bas ajiz hue ham tujh se

ghalib ki wafa keshi aur teri sitam rani

mashhur-e-zamana hai ab kya kahen ham tujh se