تا چند نازِ مسجد و بت خانہ کھینچیے

تا چند نازِ مسجد و بت خانہ کھینچیے

جوں شمع دل بہ خلوتِ جانانہ کھینچیے

بہزاد نقشِ یک دلِ صد چاک عرض کر

گر زلفِ یار کھینچ نہ سکے شانہ کھینچیے

راحت کمینِ شوخیٔ تقریبِ نالہ ہے

پائے نظر بہ دامنِ افسانہ کھینچیے

زلفِ پری بہ سلسلۂ آرزو رسا

یک عمر دامنِ دلِ دیوانہ کھینچیے

یعنی دماغِ غفلتِ ساقی رسیدہ تر

خمیازۂ خمار سے پیمانہ کھینچیے

پرواز آشیانۂ عنقائے ناز ہے

بالِ پری بہ وحشتِ بے جا نہ کھینچیے

عجز و نیاز سے تو وہ آیا نہ راہ پر

دامن کو اس کے آج حریفانہ کھینچیئے

ہے ذوقِ گریہ عزمِ سفر کیجیے اسدؔ

رختِ جنونِ سیل بہ ویرانہ کھینچیے

ta chand naz-e-masjid-o-but khana khinchiye

jun sham-e-dil ba khalwat-e-janana khinchiye

behzad naqsh-e-yak dil-e-sad chak arz kar

gar zulf-e-yar khinch na sake shana khinchiye

rahat kamin-e-shokhi-e-taqrib-e-nala hai

pae nazar ba daman-e-afsana khinchiye

zulf-e-pari ba silsila-e-arzu rasa

yak umr daman-e-dil-e-diwana khinchiye

yaani dimagh-e-ghaflat-e-saqi rasida tar

khamyaza-e-khumar se paimana khinchiye

parwaz ashiyana-e-anqa-e-naz hai

bal-e-pari ba wahshat-e-be ja na khinchiye

ijz-o-niyaz se to wo aya na rah par

daman ko us ke aj harifana khinchiye

hai zauq-e-girya azm-e-safar kijiye asad

rakht-e-junun-e-sail ba wirana khinchiye