ہر عضو غم سے ہے شکن آسا شکستہ دل

ہر عضو غم سے ہے شکن آسا شکستہ دل

جوں زلفِ یار ہوں میں سراپا شکستہ دل

ہے سر نوشت میں رقمِ وا شکستگی

ہوں جوں خطِ شکستہ بہر جا شکستہ دل

امواج کی جو یہ شکنیں آشکار ہیں

ہے چشمِ اشک ریز سے دریا شکستہ دل

نا سازیٔ نصیب و درشتیٔ غم سے ہے

امید و نا امید و تمنا شکستہ دل

ہے سنگِ ظلمِ چرخ سے مے خانے میں اسدؔ

صہبا فتادہ خاطر و مینا شکستہ دل

har uzw gham se hai shikan asa shikasta dil

jun zulf-e-yar hun main sarapa shikasta dil

hai sar nawisht mein raqam-e-wa shikastagi

hun jun khat-e-shikasta bahr ja shikasta dil

amwaj ki jo ye shiknen ashkar hain

hai chashm-e-ashk rez se dariya shikasta dil

na sazi-e-nasib-o-durushti-e-gham se hai

ummid-o-na ummid-o-tamanna shikasta dil

hai sang-e-zulm-e-charkh se mai khane mein asad

sahba fatada khatir-o-mina shikasta dil