خوابِ جمعیّتِ مخمل ہے پریشان مجھ سے

خوابِ جمعیّتِ مخمل ہے پریشان مجھ سے

رگِ بستر کو ملی شوخیٔ مژگاں مجھ سے

غمِ عشاق نہ ہو سادگی آموزِ بتاں

کس قدر خانۂ آئینہ ہے ویراں مجھ سے

کنجِ تاریک و کمیں گیری اختر شمری

عینکِ چشم بنا روزنِ زنداں مجھ سے

اے تسلی ہوسِ وعدہ فریب افسوں ہے

ورنہ کیا ہو نہ سکے نالہ بہ ساماں مجھ سے

بستنِ عہدِ محبت ہمہ نادانی تھا

چشمِ نہ کشودہ رہا عقدۂ پیماں مجھ سے

آتش افروزیٔ یک شعلۂ ایما تجھ سے

چشمک آرائیٔ صد شہرِ چراغاں مجھ سے

اے اسدؔ دسترسِ وصلِ تمنا معلوم

کاش ہو قدرتِ برچیدنِ داماں مجھ سے

khwab-e-jamiyyat-e-makhmal hai pareshan mujh se

rag-e-bistar ko mili shokhi-e-mizhgan mujh se

gham-e-ushshaq na ho sadgi amoz-e-butan

kis qadar khana-e-aina hai wiran mujh se

kunj-e-tarik-o-kamin giri-e-akhtar shimri

ainak-e-chashm bana rauzan-e-zindan mujh se

ai tasalli hawas-e-waada fareb afsun hai

warna kya ho na sake nala ba saman mujh se

bastan-e-ahd-e-mohabbat hama nadani tha

chashm-e-na kashoda raha uqda-e-paiman mujh se

atish afrozi-e-yak shola-e-ima tujh se

chashmak arai-e-sad shahr-e-charaghan mujh se

ai asad dastaras-e-wasl-e-tamanna maalum

kash ho qudrat-e-birchidin-e-daman mujh se