یک گامِ بے خودی سے لوٹیں بہارِ صحرا

یک گامِ بے خودی سے لوٹیں بہارِ صحرا

آغوشِ نقشِ پا میں کیجے فشارِ صحرا

وحشت اگر رسا ہے بے حاصلی ادا ہے

پیمانۂ ہوا ہے مشتِ غبارِ صحرا

اے آبلہ کرم کر یاں رنجہ یک قدم کر

اے نورِ چشمِ وحشت اے یادگارِ صحرا

دل در رکابِ صحرا خانہ خرابِ صحرا

موجِ سرابِ صحرا عرضِ خمارِ صحرا

ہر ذرہ یک دلِ پاک آئینہ خانہ بے خاک

تمثالِ شوقِ بے باک صد جا دو چارِ صحرا

دیوانگی اسدؔ کی حسرت کشِ طرب ہے

سر میں ہوائے گلشن دل میں غبارِ صحرا

yak gam-e-be khudi se lauten bahar-e-sahra

aghosh-e-naqsh-e-pa mein kije fishar-e-sahra

wahshat agar rasa hai be hasili ada hai

paimana-e-hawa hai musht-e-ghubar-e-sahra

ai abla karam kar yan ranjhu yak qadam kar

ai nur-e-chashm-e-wahshat ai yadgar-e-sahra

dil dar rikab-e-sahra khana kharab-e-sahra

mauj-e-sarab-e-sahra arz-e-khumar-e-sahra

har zarra yak dil-e-pak aina khana be khak

timsal-e-shauq-e-be bak sad ja do char-e-sahra

diwangi-e-asad ki hasrat kash-e-tarab hai

sar mein hawa-e-gulshan dil mein ghubar-e-sahra