ذوقِ خود داری خرابِ وحشتِ تسخیر ہے

ذوقِ خود داری خرابِ وحشتِ تسخیر ہے

آئینہ خانہ مری تمثال کو زنجیر ہے

ذرہ دے مجنوں کے کس کس داغ کو پردازِ عرض

ہر بیاباں یک بیاباں حسرتِ تعمیر ہے

میکشِ مضموں کو حسنِ ربطِ خط کیا چاہیے

لغزشِ رفتارِ خامہ مستیٔ تحریر ہے

خانمانِ جبریانِ غافل از معنیٔ خراب

جب ہوئے ہم بے گنہ رحمت کی کیا تقصیر ہے

چاہے گر جنت جز آدم وارثِ آدم نہیں

شوخیٔ ایمانِ زاہد سُستیٔ تدبیر ہے

شب دراز و آتشِ دل تیز یعنی مثلِ شمع

مہ ز سر تا ناخنِ پا رزقِ یک شبگیر ہے

آب ہو جاتے ہیں ننگِ ہمتِ باطل سے مرد

اشک پیدا کر اسدؔ گر آہ بے تاثیر ہے

zauq-e-khud dari kharab-e-wahshat-e-taskhir hai

aina khana miri timsal ko zanjir hai

zarra de majnun ke kis kis dagh ko pardaz-e-arz

har bayaban yak bayaban hasrat-e-taamir hai

maikash-e-mazmun ko husn-e-rabt-e-khat kya chahiye

laghzish-e-raftar-e-khama masti-e-tahrir hai

khanuman-e-jabriin-e-ghafil az maani-e-kharab

jab hue ham be gunah rahmat ki kya taqsir hai

chahe gar jannat juz adam waris-e-adam nahin

shokhi-e-iman-e-zahid susti-e-tadbir hai

shab daraz-o-atish-e-dil tez yaani misl-e-shama

mah ze sar ta nakhun-e-pa rizq-e-yak shabgir hai

ab ho jate hain nang-e-himmat-e-batil se mard

ashk paida kar asad gar ah be tasir hai