تغافل دوست ہوں میرا دماغِ عجز عالی ہے

تغافل دوست ہوں میرا دماغِ عجز عالی ہے

اگر پہلو تہی کیجے تو جا میری بھی خالی ہے

رہا آباد عالم اہلِ ہمّت کے نہ ہونے سے

بھرے ہیں جس قدر جام و سبو مے خانہ خالی ہے

بتانِ شوخ کا دل سخت ہو گا کس قدر یا رب

مری فریاد کو کہسار سازِ عجز نالی ہے

نشان بے قرارِ شوق جز مژگاں نہیں باقی

کئی کانٹے ہیں اور پیراہنِ شکلِ نہالی ہے

جنوں کر اے چمن تحریرِ درسِ شغلِ تنہائی

نگاہِ شوق کو صحرا بھی دیوانِ غزالی ہے

سیہ مستی ہے اہلِ خاک کو ابرِ بہاری سے

زمیں جوشِ طرب سے جامِ لب ریزِ سفالی ہے

اسدؔ مت رکھ تعجب خر دماغی ہائے منعم کا

کہ یہ نامرد بھی شیر افگنِ میدانِ قالی ہے

taghaful dost hun mera dimagh-e-ijz ali hai

agar pahlu tahi kije to ja meri bhi khali hai

raha abad alam ahl-e-himmat ke na hone se

bhare hain jis qadar jam-o-subu mai khana khali hai

butan-e-shokh ka dil sakht hoga kis qadar ya rab

miri fariyad ko kohsar saz-e-ijz nali hai

nishan-e-be qarar-e-shauq juz mizhgan nahin baqi

kai kante hain aur pairahan-e-shakl-e-nihali hai

junun kar ai chaman tahrir-e-dars-e-shaghl-e-tanhai

nigah-e-shauq ko sahra bhi diwan-e-ghazali hai

siyah masti hai ahl-e-khak ko abr-e-bahari se

zamin josh-e-tarab se jam-e-lab rez-e-sifali hai

asad mat rakh taajjub khar dimaghi ha-e-munam ka

ke ye namard bhi sher afgan-e-maidan-e-qali hai