ضبط سے مطلب بجز وارستگی دیگر نہیں

ضبط سے مطلب بجز وارستگی دیگر نہیں

دامنِ تمثال آبِ آئینہ سے تر نہیں

ہے وطن سے باہر اہلِ دل کی قدر و منزلت

عزلت آبادِ صدف میں قیمتِ گوہر نہیں

ہوتے ہیں بے قدر در کنجِ وطن صاحب دلاں

عزلت آبادِ صدف میں قیمتِ گوہر نہیں

باعثِ ایذا ہے برہم خوردنِ بزمِ سرور

لخت لختِ شیشۂ بشکستہ جز نشتر نہیں

واں سیاہی مردمک ہے اور یاں داغِ شراب

مہ حریفِ نازشِ ہم چشمیٔ ساغر نہیں

ہے فلک بالا نشینِ فیضِ خم گر دیدنی

عاجزی سے ظاہرا رتبہ کوئی برتر نہیں

دل کو اظہارِ سخن اندازِ فتح الباب ہے

یاں صریرِ خامہ غیر از اصطکاکِ در نہیں

ہو گئی ہے غیر کی شیریں بیانی کارگر

عشق کا اس کو گماں ہم بے زبانوں پر نہیں

کب تلک پھیرے اسدؔ لب ہائے تفتہ پر زباں

طاقتِ لب تشنگی اے ساقیٔ کوثر نہیں

zabt se matlab bajuz warastagi digar nahin

daman-e-timsal ab-e-aina se tar nahin

hai watan se bahar ahl-e-dil ki qadar-o-manzilat

uzlat abad-e-sadaf mein qimat-e-gauhar nahin

hote hain be qadr dar kunj-e-watan sahab dalan

uzlat abad-e-sadaf mein qimat-e-gauhar nahin

bais-e-iza hai barham khurdin-e-bazm-e-surur

lakht lakht-e-shisha-e-bashkasta juz nashtar nahin

wan siyahi mardumak hai aur yan dagh-e-sharab

mah harif-e-nazish-e-ham chashmi-e-saghar nahin

hai falak bala nashin-e-faiz-e-kham gar didani

ajizi se zahiran rutba koi bartar nahin

dil ko izhar-e-sukhan andaz-e-fath albab hai

yan sarir-e-khama ghair az astakak-e-dar nahin

ho gai hai ghair ki shirin bayani kargar

ishq ka us ko guman ham be zabanon par nahin

kab talak phere asad lab ha-e-tafta par zaban

taqat-e-lab tishnagi ai saqi-e-kausar nahin