نگہ اُس چشم کی افزوں کرے ہے نا توانائی

نگہ اُس چشم کی افزوں کرے ہے نا توانائی

پرِ بالش ہے وقتِ دید مژگانِ تماشائی

شکستِ قیمتِ دل آں سوئے عذرِ شناسائی

طلسمِ نا اُمیدی ہے خجالت گاہِ پیدائی

پرِ طاؤس ہے نیرنگِ داغِ حیرت انشائی

دو عالم دیدۂ بسمل چراغاں جلوہ پیمائی

تحیّر ہے گریباں گیرِ ذوقِ جلوہ پیرائی

ملی ہے جوہرِ آئینہ کو جوں بخیہ گیرائی

شرارِ سنگ سے پا در حنا گلگونِ شیریں ہے

ہنوز اے تیشۂ فرہاد عرضِ آتشیں پائی

غرورِ دستِ رد نے شانہ توڑا فرقِ ہُدہُد پر

سلیمانی ہے ننگِ بے دماغانِ خود آرائی

جنوں افسردہ و جاں ناتواں اے جلوہ شوخی کر

گئی یک عمرِ خود داری بہ استقبالِ رعنائی

نگاہِ عبرت افسوں گاہ برق و گاہ مشعل ہے

ہوا ہر خلوت و جلوت سے حاصل ذوقِ تنہائی

جنونِ بے کسی ساغر کشِ داغِ پلنگ آیا

شرر کیفیتِ مے سنگ محوِ نازِ مینائی

خدایا خوں ہو رنگِ امتیاز اور نالہ موزوں ہو

جنوں کو سخت بیتابی ہے تکلیف شکیبائی

خراباتِ جنوں میں ہے اسدؔ وقتِ قدح نوشی

بہ عشقِ ساقیٔ کوثر بہارِ بادہ پیمائی

nigah us chashm ki afzun kare hai na tawanai

par-e-balish hai waqt-e-did mizhgan-e-tamashai

shikast-e-qimat-e-dil an su-e-uzr-e-shanasai

tilism-e-na ummidi hai khijalat gah-e-paidai

par-e-taus hai nairang-e-dagh-e-hairat inshai

do alam dida-e-bismil charaghan jalwa paimai

tahayyur hai gareban gir-e-zauq-e-jalwa pairai

mili hai jauhar-e-aina ko jun bakhiya girai

sharar-e-sang se pa dar hina gulgon-e-shirin hai

hanoz ai tesha-e-farhad arz-e-atishin pai

ghurur-e-dast-e-rad ne shana tora farq-e-hudhud par

sulaimani hai nang-e-be dimaghan-e-khud arai

junun afsurda-o-jan natawan ai jalwa shokhi kar

gai yak umr-e-khud dari ba istiqbal-e-raanai

nigah-e-ibrat afsun gah barq-o-gah mashal hai

hawa har khalwat-o-jalwat se hasil zauq-e-tanhai

junun-e-be kisi saghar kash-e-dagh-e-palang aya

sharar kaifiyat-e-mai sang mahw-e-naz-e-minai

khudaya khun ho rang-e-imtiyaz aur nala mauzun ho

junun ko sakht betabi hai taklif-e-shakebai

kharabat-e-junun mein hai asad waqt-e-qadah noshi

ba ishq-e-saqi-e-kausar bahar-e-bada paimai