حسنِ بے پروا خریدارِ متاعِ جلوہ ہے

حسنِ بے پروا خریدارِ متاعِ جلوہ ہے

آئینہ زانوئے فکرِ اختراعِ جلوہ ہے

تا کُجا اے آگہی رنگِ تماشا باختن

چشمِ وا گر دیدہ آغوشِ وداعِ جلوہ ہے

عجزِ دیدن ہا بہ ناز و نازِ رفتن ہا بہ چشم

جادۂ صحرائے آگاہی شعاعِ جلوہ ہے

اختلافِ رنگ و بو طرحِ بہارِ بے خودی

صلحِ کل گردِ ادب گاہِ نزاعِ جلوہ ہے

حسنِ خوباں بس کہ بے قدرِ تماشا ہے اسدؔ

آئینہ یک دستِ ردِّ امتناعِ جلوہ ہے

husn-e-be parwa kharidar-e-mata-e-jalwa hai

aina zanu-e-fikr-e-ikhtira-e-jalwa hai

ta kuja ai agahi rang-e-tamasha bakhutan

chashm-e-wa gar dida aghosh-e-wida-e-jalwa hai

ijz-e-didin ha ba naz-o-naz-e-raftan ha ba chashm

jada-e-sahra-e-agahi shua-e-jalwa hai

ikhtilaf-e-rang-o-bu tarah-e-bahar-e-be khudi

sulh-e-kal gard-e-adab gah-e-niza-e-jalwa hai

husn-e-khuban bas ke be qadar-e-tamasha hai asad

aina yak dast-e-rad-e-imtina-e-jalwa hai