از آنجا کہ حسرت کشِ یار ہیں ہم

از آنجا کہ حسرت کشِ یار ہیں ہم

رقیبِ تمنّائے دیدار ہیں ہم

رسیدن گلِ باغ واماندگی ہے

عبث محفل آرائے رفتار ہیں ہم

نفس ہو نہ معزولِ شعلہ درودن

کہ ضبطِ تپش سے شرر کار ہیں ہم

تغافل کمیں گاہِ وحشت شناسی

نگہبانِ دل ہائے اغیار ہیں ہم

تماشائے گلشن تماشائے چیدن

بہار آفرینا گنہ گار ہیں ہم

نہ ذوقِ گریباں نہ پروائے داماں

نگاہ آشنائے گل و خار ہیں ہم

اسدؔ شکوہ کفرِ دعا نا سپاسی

ہجومِ تمنّا سے لاچار ہیں ہم

az anja ke hasrat kash-e-yar hain ham

raqib-e-tamanna-e-didar hain ham

rassidin gul-e-bagh-e-wamandagi hai

abas mahfil ara-e-raftar hain ham

nafas ho na maazul-e-shola darodin

ke zabt-e-tapish se sharar kar hain ham

taghaful kamin gah-e-wahshat shanasi

nigahban-e-dil ha-e-aghyar hain ham

tamasha-e-gulshan tamasha-e-chidin

bahar afarina gunah gar hain ham

na zauq-e-gareban na parwae daman

nigah-e-ashna-e-gul-o-khar hain ham

asad shikwa kufr-e-dua na sipasi

hujum-e-tamanna se lachar hain ham