عشاق اشکِ چشم سے دھوویں ہزار داغ

عشاق اشکِ چشم سے دھوویں ہزار داغ

دیتا ہے اور جوں گل و شبنم بہار داغ

جوں چشمِ باز ماندہ ہے ہر یک بہ سوئے دل

رکھتا ہے داغِ تازہ کا یاں انتظار داغ

بے لالہ عارضاں مجھے گل گشتِ باغ میں

دیتی ہے گرمیٔ گل و بلبل ہزار داغ

جوں اعتماد نامہ و خط کا ہو مہر سے

یوں عاشقوں میں ہے سببِ اعتبار داغ

ہوتے ہیں محو جلوۂ خور سے ستارگاں

دیکھ اُس کو دل سے مٹ گئے بے اختیار داغ

وقتِ خیالِ جلوۂ حسنِ بتاں اسدؔ

دکھلائے ہے مجھے دو جہاں لالہ زار داغ

ushshaq ashk-e-chashm se dhowen hazar dagh

deta hai aur jun gul-o-shabnam bahar-e-dagh

jun chashm-e-baz manda hai har yak ba su-e-dil

rakhta hai dagh-e-taza ka yan intizar dagh

be lala arizan mujhe gul gasht-e-bagh mein

deti hai garmi-e-gul-o-bulbul hazar dagh

jun etimad nama-o-khat ka ho mehr se

yun ashiqon mein hai sabab-e-etibar dagh

hote hain mahw-e-jalwa-e-khur se sitargan

dekh us ko dil se mit gae be ikhtiyar dagh

waqt-e-khayal-e-jalwa-e-husn-e-butan asad

dikhlae hai mujhe do jahan lala zar dagh