اے نوا سازِ تماشا سر بہ کف جلتا ہوں میں

اے نوا سازِ تماشا سر بہ کف جلتا ہوں میں

یک طرف جلتا ہے دل اور یک طرف جلتا ہوں میں

شمع ہوں لیکن بپا در رفتہ خارِ جستجو

مدعا گم کردہ ہر سو ہر طرف جلتا ہوں میں

ہے مساسِ دستِ افسوس آتش انگیزِ تپش

بے تکلف آپ پیدا کر کے تف جلتا ہوں میں

ہے تماشا گاہِ سوزِ تازہ ہر یک عضوِ تن

جوں چراغانِ دوالی صف بہ صف جلتا ہوں میں

شمع ہوں تو بزم میں جا پاؤں غالبؔ کی طرح

بے محل اے مجلس آرائے نجف جلتا ہوں میں

ai nawa saz-e-tamasha sar ba kaf jalta hun main

yak taraf jalta hai dil aur yak taraf jalta hun main

shama hun lekin bapa dar rafta khar-e-justuju

muddaa gum karda har su har taraf jalta hun main

hai misus-e-dast-e-afsos atish angez-e-tapish

be takalluf ap paida kar ke taf jalta hun main

hai tamasha gah-e-soz-e-taza har yak uzw-e-tan

jun charaghan-e-doilai saf ba saf jalta hun main

shama hun to bazm mein ja paon ghalib ki tarah

be mahal ai majlis ara-e-najaf jalta hun main