جگر سے ٹوٹی ہوئی ہو گئی سناں پیدا

جگر سے ٹوٹی ہوئی ہو گئی سناں پیدا

دہانِ زخم میں آخر ہوئی زباں پیدا

بسانِ سبزہ رگِ خواب ہے زباں ایجاد

کرے ہے خامشی احوالِ بے خوداں پیدا

صفا و شوخی و اندازِ حسن پا بہ رکاب

خط سیاہ سے ہے گردِ کارواں پیدا

نہیں ہے آہ کو ایمائے تیرہ بالیدن

وگرنہ ہے خمِ تسلیم سے کماں پیدا

نصیبِ تیرہ بلا گردش آفریں ہے اسدؔ

زمیں سے ہوتے ہیں صد دامن آسماں پیدا

jigar se tuti hui ho gai sinan paida

dahan-e-zakhm mein akhir hui zaban paida

basan-e-sabza rag-e-khwab hai zaban ijad

kare hai khamushi ahwal-e-be khudan paida

safa-o-shokhi-o-andaz-e-husn pa ba rikab

khat-e-siyah se hai gard-e-karwan paida

nahin hai ah ko ima-e-tira balidin

wagarna hai kham-e-taslim se kaman paida

nasib-e-tira bala gardish afrin hai asad

zamin se hote hain sad daman asman paida