سوختگاں کی خاک میں ریزشِ نقشِ داغ ہے

سوختگاں کی خاک میں ریزشِ نقشِ داغ ہے

آئینۂ نشانِ حال مثلِ گلِ چراغ ہے

لطفِ خمارِ مے کو ہے در دلِ ہمدگر اثر

پنبۂ شیشۂ شراب کف بہ لبِ ایاغ ہے

مفتِ صفائے طبع ہے جلوۂ نازِ سوختن

داغِ دلِ سیہ دلاں مردمِ چشمِ زاغ ہے

رنجشِ یارِ مہرباں عیش و طرب کا ہے نشاں

دل سے اُٹھے ہے جو غبار گردِ سوادِ باغ ہے

شعر کی فکر کو اسدؔ چاہیے ہے دل و دماغ

وائے کہ یہ فسردہ دل بیدل و بے دماغ ہے

sokhtgan ki khak mein rezash-e-naqsh-e-dagh hai

aina-e-nishan-e-hal misl-e-gul-e-charagh hai

lutf-e-khumar-e-mai ko hai dar dil-e-hamdigar asar

pumba-e-shisha-e-sharab kaf ba lab-e-ayagh hai

muft-e-safa-e-taba hai jalwa-e-naz-e-sokhtan

dagh-e-dil-e-siyah dalan mardum-e-chashm-e-zagh hai

ranjish-e-yar-e-mehrban aish-o-tarab ka hai nishan

dil se uthe hai jo ghubar gard-e-sawad-e-bagh hai

sher ki fikr ko asad chahiye hai dil-o-dimagh

wae ke ye fasurda dil bedil-o-be dimagh hai