حاصلِ دل بستگی ہے عمرِ کوتہ اور بس

حاصلِ دل بستگی ہے عمرِ کوتہ اور بس

وقفِ عرضِ عقدہ ہائے متصّل تارِ نفس

کیوں نہ طوطیٔ طبیعت نغمہ پیرائی کرے

باندھتا ہے رنگِ گل آئینہ تا چاکِ قفس

اے ادا فہماں صدا ہے تنگیٔ فرصت سے خوں

ہے بہ صحرائے تحیر چشمِ قربانی جرس

تیز تر ہوتا ہے خشمِ تند خویاں عجز سے

ہے رگِ سنگِ فسانِ تیغِ شعلہ خار و خس

سختیٔ راہِ محبت منعِ دخلِ غیر ہے

پیچ و تابِ جادہ ہے یاں جوہرِ تیغِ عسس

اے اسدؔ ہم خود اسیرِ رنگ و بوئے باغ ہیں

ظاہرا صیّادِ ناداں ہے گرفتارِ ہوس

hasil-e-dil bastagi hai umr-e-kotah aur bas

waqf-e-arz-e-uqda ha-e-muttasil tar-e-nafas

kyun na tuti-e-tabiat naghma pairai kare

bandhta hai rang-e-gul aina ta chak-e-qafas

ai ada fahman sada hai tangi-e-fursat se khun

hai ba sahra-e-tahayyur chashm-e-qurbani jaras

tez tar hota hai khashm-e-tund khuyan ijz se

hai rag-e-sang-e-fasan-e-tegh-e-shola khar-o-khas

sakhti-e-rah-e-mohabbat man-e-dakhl-e-ghair hai

pech-o-tab-e-jada hai yan jauhar-e-tegh-e-asas

ai asad ham khud asir-e-rang-o-bu-e-bagh hain

zahiran sayyad-e-nadan hai giraftar-e-hawas