نمائش پردہ دارِ طرز بیدادِ تغافل ہے

نمائش پردہ دارِ طرز بیدادِ تغافل ہے

تسلّی جانِ بلبل کے لیے خندیدنِ گل ہے

نمودِ عالَمِ اسباب کیا ہے لفظِ بے معنی

کہ ہستی کی طرح مجھ کو عدم میں بھی تامّل ہے

نہ رکھ پابندِ استغنا کو قیدی رسمِ عالم کا

ترا دستِ دعا بھی رخنہ اندازِ توکّل ہے

نہ چھوڑا قید میں بھی وحشیوں کو یادِ گلشن نے

یہ چاکِ پیرہن گویا جوابِ خندۂ گل ہے

ابھی دیوانگی کا راز کہہ سکتے ہیں ناصح سے

ابھی کچھ وقت ہے غالبؔ ابھی فصلِ گل و مُل ہے

numaish parda dar-e-tarz-e-bedad-e-taghaful hai

tasalli jan-e-bulbul ke liye khandidin-e-gul hai

numud-e-alam-e-asbab kya hai lafz-e-be maani

ke hasti ki tarah mujh ko adam mein bhi taammul hai

na rakh paband-e-istighna ko qaidi rasm-e-alam ka

tira dast-e-dua bhi rakhna andaz-e-tawakkul hai

na chhora qaid mein bhi wahshiyon ko yad-e-gulshan ne

ye chak-e-pairahan goya jawab-e-khanda-e-gul hai

abhi diwangi ka raz kah sakte hain naseh se

abhi kuchh waqt hai ghalib abhi fasl-e-gul-o-mul hai