ہے بہاراں میں خزاں پرور خیال عندلیب

ہے بہاراں میں خزاں پرور خیال عندلیب

رنگِ گل آتش کدہ ہے زیرِ بالِ عندلیب

عشق کو ہر رنگ شانِ حسن ہے مدِ نظر

مصرعِ سروِ چمن ہے حسبِ حالِ عندلیب

حیرتِ حسنِ چمن پیرا سے تیرے رنگِ گل

بسمل ذوقِ پریدن ہے بہ بالِ عندلیب

عمر میری ہو گئی صرفِ بہارِ حسنِ یاد

گردشِ رنگِ چمن ہے ماہ و سالِ عندلیب

منع مت کر حسن کی ہم کو پرستش سے کہ ہے

بادۂ نظارۂ گلشن حلالِ عندلیب

ہے مگر موقوف بر وقتِ دگر کارِ اسدؔ

اے شبِ پروانہ و روزِ وصالِ عندلیب

hai baharan mein khizan parwar khayal-e-andalib

rang-e-gul atish kada hai zer-e-bal-e-andalib

ishq ko har rang shan-e-husn hai mad-e-nazar

misra-e-sarw-e-chaman hai hasb-e-hal-e-andalib

hairat-e-husn-e-chaman paira se tere rang-e-gul

bismil zauq-e-paridin hai ba bal-e-andalib

umr meri ho gai sirf-e-bahar-e-husn-e-yad

gardish-e-rang-e-chaman hai mah-o-sal-e-andalib

mana mat kar husn ki ham ko parastish se ke hai

bada-e-nazara-e-gulshan halal-e-andalib

hai magar mauquf bar waqt-e-digar kar-e-asad

ai shab-e-parwana-o-roz-e-wisal-e-andalib