جوشِ دل ہے مجھ سے حسنِ فطرتِ بیدل نہ پوچھ

جوشِ دل ہے مجھ سے حسنِ فطرتِ بیدل نہ پوچھ

قطرے سے مے خانہ دریائے بے ساحل نہ پوچھ

پہنِ گشتن ہائے دل بزمِ نشاطِ گردِ باد

لذتِ عرضِ کشادِ عقدۂ مشکل نہ پوچھ

آبلہ پیمانۂ اندازۂ تشویش تھا

اے دماغِ نارسا خم خانۂ منزل نہ پوچھ

نے صبا بالِ پری نے شعلہ سامانِ جنوں

شمع سے جز عرضِ افسونِ گدازِ دل نہ پوچھ

یک مژہ برہم زدن حشرِ دو عالم فتنہ ہے

یاں سراغِ عافیت جز دیدۂ بسمل نہ پوچھ

بزم ہے یک پنبۂ مینا گدازِ ربط سے

عیش کر غافل حجابِ نشۂ محفل نہ پوچھ

تا تخلص جامۂ شنگرفی ارزانی اسدؔ

شاعری جز سازِ درویشی نہیں حاصل نہ پوچھ

josh-e-dil hai mujh se husn-e-fitrat-e-bedil na puchh

qatre se mai khana dariyae be sahil na puchh

pahan-e-gashtan hae dil bazm-e-nishat-e-gard-e-bad

lazzat-e-arz-e-kushad-e-uqda-e-mushkil na puchh

abla paimana-e-andaza-e-tashwish tha

ai dimagh-e-narasa kham khana-e-manzil na puchh

ne saba bal-e-pari ne shola saman-e-junun

shama se juz arz-e-afsun-e-gudaz-e-dil na puchh

yak mizha barham zadan hashr-e-do alam fitna hai

yan suragh-e-afiyat juz dida-e-bismil na puchh

bazm hai yak pumba-e-mina gudaz-e-rabt se

aish kar ghafil hijab-e-nasha-e-mahfil na puchh

ta takhallus jama-e-shangrafi arzani asad

shayari juz saz-e-darweshi nahin hasil na puchh