گر چہ ہے یک بیضۂ طاؤس آسا تنگ دل

گر چہ ہے یک بیضۂ طاؤس آسا تنگ دل

ہے چمن سرمایۂ بالیدنِ صد رنگ دل

بے دلوں سے ہے تپش جوں خواہشِ آب از سراب

ہے شرر موہوم اگر رکھتا ہووے سنگ دل

رشتۂ فہمیدِ ممسک ہے بہ بندِ کوتہی

عقدہ ساں ہے کیسۂ زر پر خیالِ تنگ دل

ہوں ز پا افتادۂ اندازِ یادِ حسنِ سبز

کس قدر ہے نشہ فرسائے خمارِ بھنگ دل

شوقِ بے پروا کے ہاتھوں مثلِ سازِ نا درست

کھینچتا ہے آج نالے خارج از آہنگ دل

اے اسد خامُش ہے طوطیٔ شکر گفتارِ طبع

ظاہرا رکھتا ہے آئینہ اسیرِ زنگ دل

gar cha hai yak baiza-e-taus asa tang dil

hai chaman sarmaya-e-balidin-e-sad rang dil

be dilon se hai tapish jun khwahish-e-ab az sarab

hai sharar mauhum agar rakhta howe sang dil

rishta-e-fahmyad-e-mumsik hai ba band-e-kotahi

uqda san hai kisa-e-zar par khayal-e-tang dil

hun ze pa uftada-e-andaz-e-yad-e-husn-e-sabz

kis qadar hai nasha farsa-e-khumar-e-bhang dil

shauq-e-be parwa ke hathon misl-e-saz-e-na durust

khinchta hai aj nale kharij az ahang-e-dil

ai asad khamush hai tuti-e-shakar guftar-e-taba

zahiran rakhta hai aina asir-e-zang-e-dil