ضبط سے جوں مردمک اسپند اقامت گیر ہے

ضبط سے جوں مردمک اسپند اقامت گیر ہے

مجمرِ بزمِ فسردن دیدۂ نخچیر ہے

آشیاں بندِ بہارِ عیش ہوں ہنگامِ قتل

یاں پرِ پروازِ رنگِ رفتہ بالِ تیر ہے

ہے جہاں فکرِ کشیدن ہائے نقشِ روئے یار

ماہتابِ ہالہ پیرا گردۂ تصویر ہے

وقتِ حسن افروزیٔ زینت طرازاں جائے گل

ہر نہالِ شمع میں اک غنچۂ گل گیر ہے

گریے سے بندِ محبت میں ہوئی نام آوری

لخت لختِ دل مکینِ خانۂ زنجیر ہے

ریزشِ خونِ وفا ہے جرعہ نوشی ہائے یار

یاں گلوئے شیشۂ مے قبضۂ شمشیر ہے

جو بہ شامِ غم چراغِ خلوتِ دل تھا اسدؔ

وصل میں وہ سوز شمعِ مجلسِ تقریر ہے

zabt se jun mardumak ispand iqamat gir hai

mijmar-e-bazm-e-fasradan dida-e-nakhchir hai

ashiyan band-e-bahar-e-aish hun hangam-e-qatl

yan par-e-parwaz-e-rang-e-rafta bal-e-tir hai

hai jahan fikr-e-kashidan hae naqsh-e-ru-e-yar

mahtab-e-hala paira gurda-e-taswir hai

waqt-e-husn afrozi-e-zinat tarazan jae gul

har nihal-e-shama mein ik ghuncha-e-gul gir hai

giriye se band-e-mohabbat mein hui nam awari

lakht lakht-e-dil makin-e-khana-e-zanjir hai

rezash-e-khun-e-wafa hai jura noshi hae yar

yan galo-e-shisha-e-mai qabza-e-shamshir hai

ju ba sham-e-gham charagh-e-khalwat-e-dil tha asad

wasl mein wo soz-e-sham-e-majlis-e-taqrir hai