گرفتاری میں فرمانِ خطِ تقدیر ہے پیدا

گرفتاری میں فرمانِ خطِ تقدیر ہے پیدا

کہ طوقِ قمری از ہر حلقۂ زنجیر ہے پیدا

زمیں کو صفحۂ گلشن بنایا خون چکانی نے

چمن بالیدنی ہا از رمِ نخچیر ہے پیدا

مگر وہ شوخ ہے طوفاں طرازِ شوقِ خون ریزی

کہ در بحرِ کہاں بالیدہ موجِ تیر ہے پیدا

نہیں ہے کف لبِ نازک پہ فرطِ نشۂ مے سے

لطافت ہائے جوشِ حسن کا سر شیر ہے پیدا

عروجِ اُمیدی چشم زخمِ چرخ کیا جانے

بہارِ بے خزاں از آہِ بے تاثیر ہے پیدا

اسد جس شوق سے ذرے تپش فرسا ہوں روزن میں

جراحت ہائے دل سے جوہرِ شمشیر ہے پیدا

giraftari mein farman-e-khat-e-taqdir hai paida

ke tauq-e-qamari az har halqa-e-zanjir hai paida

zamin ko safha-e-gulshan banaya khun chukani ne

chaman balidini ha az ram-e-nakhchir hai paida

magar wo shokh hai tufan taraz-e-shauq-e-khun rezi

ke dar bahr-e-kahan balida mauj-e-tir hai paida

nahin hai kaf lab-e-nazuk pe fart-e-nasha-e-mai se

latafat ha-e-josh-e-husn ka sar sher hai paida

uruj-e-ummidi chashm-e-zakhm-e-charkh kya jane

bahar-e-be khizan az ah-e-be tasir hai paida

asad jis shauq se zarre tapish farsa hun rauzan mein

jarahat ha-e-dil se jauhar-e-shamshir hai paida