کرے ہے رہرواں سے خضرِ راہِ عشق جلادی

کرے ہے رہرواں سے خضرِ راہِ عشق جلادی

ہوا ہے موجۂ ریگِ رواں شمشیرِ فولادی

نظر بندِ تصور ہے قفس میں لطفِ آزادی

شکستِ آرزو کے رنگ کی کرتا ہوں صیادی

کرے ہے حسنِ ویراں کار رُوئے سادہ رویاں پر

غبارِ خط سے تعمیرِ بنائے خانہ بربادی

چنار آسا عدم سے با دلِ پُر آتش آیا ہوں

تہی آغوشیٔ دشتِ تمنا کا ہوں فریادی

اسدؔ از بس کہ فوجِ درد و غم سرگرمِ جولاں ہے

غبارِ راہ ویرانی ہے ملکِ دل کی آبادی

kare hai rahrawan se khizr-e-rah-e-ishq jalladi

hua hai mauja-e-reg-e-rawan shamshir-e-fauladi

nazar band-e-tasawwur hai qafas mein lutf-e-azadi

shikast-e-arzu ke rang ki karta hun sayyadi

kare hai husn-e-wiran kar ru-e-sada rawiyan par

ghubar-e-khat se taamir-e-banae khana barbadi

chanar asa adam se ba dil-e-pur atish aya hun

tahi aghoshi-e-dasht-e-tamanna ka hun fariyadi

asad az bas ke fauj-e-dard-o-gham sargarm-e-jaulan hai

ghubar-e-rah wirani hai mulk-e-dil ki abadi