ضمانِ جادہ رویاندن ہے خطِ جامِ مے نوشاں

ضمانِ جادہ رویاندن ہے خطِ جامِ مے نوشاں

وگرنہ منزلِ حیرت سے کیا وقف ہیں مدہوشاں

نہیں ہے ضبط جز مشاطگی ہائے غم آرائی

کہ میلِ سرمہ چشمِ داغ میں ہے آہِ خاموشاں

بہ ہنگامِ تصور ساغرِ زانو سے پیتا ہوں

مئے کیفیتِ خمیازہ ہائے صبح آغوشاں

نشانِ روشنیٔ دل نہاں ہے تیرہ بختوں کا

نہیں محسوس دودِ مشعلِ بزمِ سیہ پوشاں

پریشانی اسدؔ در پردہ ہے سامانِ جمیعت

کہ آبادیٔ صحرا ہجومِ خانہ بر دوشاں

zaman-e-jada royandan hai khat-e-jam-e-mai noshan

wagarna manzil-e-hairat se kya waqf hain madhoshan

nahin hai zabt juz mashshatagi ha-e-gham arai

ke mel-e-surma chashm-e-dagh mein hai ah-e-khamoshan

ba hangam-e-tasawwur saghar-e-zanu se pita hun

mai-e-kaifiyat-e-khamyaza ha-e-subh aghoshan

nishan-e-raushni-e-dil nihan hai tira bakhton ka

nahin mahsus dud-e-mashal-e-bazm-e-siyah poshan

pareshani asad dar parda hai saman-e-jamet

ke abadi-e-sahra-e-hujum-e-khana bar doshan