بے دماغی حیلہ جوئے ترکِ تنہائی نہیں

بے دماغی حیلہ جوئے ترکِ تنہائی نہیں

ورنہ کیا موجِ نفس زنجیرِ رسوائی نہیں

وحشیٔ خو کردۂ نظارہ ہے حیرت جسے

حلقۂ زنجیر جز چشمِ تماشائی نہیں

قطرے کو جوشِ عرق کرتا ہے دریا دستگاہ

جز حیا پر کارِ سعیٔ بے سروپائی نہیں

چشمِ نرگس میں نمک بھرتی ہے شبنم سے بہار

فرصتِ نشو و نما سازِ شکیبائی نہیں

کس کو دوں یا رب حسابِ سوز ناکی ہائے دل

آمد و رفتِ نفس جز شعلہ پیمائی نہیں

مت رکھ اے انجام غافل سازِ ہستی پر غرور

چیونٹی کے پر سر و برگِ خود آرائی نہیں

سایۂ افتادگی بالین و بستر ہوں اسدؔ

جوں صنوبر دل سراپا قامت آرائی نہیں

be dimaghi hila ju-e-tark-e-tanhai nahin

warna kya mauj-e-nafas zanjir-e-ruswai nahin

wahshi-e-khu karda-e-nazzara hai hairat jise

halqa-e-zanjir juz chashm-e-tamashai nahin

qatre ko josh-e-araq karta hai dariya dastgah

juz haya par kar-e-sai-e-be saropai nahin

chashm-e-nargis mein namak bharti hai shabnam se bahar

fursat-e-nashw-o-numa saz-e-shakebai nahin

kis ko dun ya rab hisab-e-soz naki hae dil

amad-o-raft-e-nafas juz shola paimai nahin

mat rakh ai anjam ghafil saz-e-hasti par ghurur

chiyunti ke par sar-o-barg-e-khud arai nahin

saya-e-uftadagi balen-o-bistar hun asad

jun sanobar dil sarapa qamat arai nahin