زِ بس ہے ناز پروازِ غرورِ نشہ صہبا

زِ بس ہے ناز پروازِ غرورِ نشہ صہبا

رگِ بالیدہ گردن ہے موجِ بادہ در مینا

در آبِ آئینہ از جوشِ عکسِ گیسوئے مشکیں

بہارِ سنبلستان جلوہ گر ہے آں سوئے دریا

کہاں ہے دیدۂ روشن کہ دیکھے بے حجابانہ

نقابِ یار ہے از پردہ ہائے چشمِ نا بینا

نہ دیجیے پاسِ ضبطِ آبرو وقتِ شکستن بھی

تحمل پیشہ تمکیں رہیے آئینہ آسا

اسدؔ طبع متیں سے گر نکالوں شعر برجستہ

شرر ہو قطرہ خونِ فسردہ در رگِ خارا

zi bas hai naz parwaz-e-ghurur-e-nasha-e-sahba

rag-e-balida gardan hai mauj-e-bada dar mina

dar ab-e-aina az josh-e-aks-e-gesu-e-mushkin

bahar-e-sumbulsitan jalwa gar hai an su-e-dariya

kahan hai dida-e-raushan ke dekhe be hijabana

naqab-e-yar hai az parda ha-e-chashm-e-na bina

na dijiye pas-e-zabt-e-abru waqt-e-shaksatan bhi

tahammul pesha tamkin rahiye aina asa

asad taba maten se gar nikalun sher barjasta

sharar ho qatra khun-e-fasurda dar rag-e-khara