نگاہِ یار نے جب عرضِ تکلیفِ شرارت کی

نگاہِ یار نے جب عرضِ تکلیفِ شرارت کی

دیا ابرو کو چھیڑ اور اُس نے فتنے کو اشارت کی

روانی موجِ مے کی گر خطِ جام آشنا ہووے

لکھے کیفیت اُس سطرِ تبسم کی عبارت کی

شہِ گل نے کیا جب بندوبستِ گلشن آرائی

عصائے سبز دے نرگس کو دی خدمت نظارت کی

نہیں ریزش عرق کی اب اسے ذوبانِ اعضا ہے

تبِ خجلت نے یہ نبضِ رگِ گل میں حرارت کی

ز بس نکلا غبارِ دل بہ وقتِ گریہ آنکھوں سے

اسدؔ کھائے ہوئے سر مے نے آنکھوں میں بصارت کی

nigah-e-yar ne jab arz-e-taklif-e-shararat ki

diya abru ko chher aur us ne fitne ko isharat ki

rawani mauj-e-mai ki gar khat-e-jam ashna howe

likhe kaifiyat us satr-e-tabassum ki ibarat ki

shah-e-gul ne kiya jab bandobast-e-gulshan arai

asa-e-sabz de nargis ko di khidmat nuzarat ki

nahin rezash araq ki ab use zauban-e-aaza hai

tab-e-khajlat ne ye nabz-e-rag-e-gul mein hararat ki

ze bas nikla ghubar-e-dil ba waqt-e-girya ankhon se

asad khae hue sar mai ne ankhon mein basarat ki