کرتا ہے بہ یادِ بتِ رنگیں دلِ مایوس

کرتا ہے بہ یادِ بتِ رنگیں دلِ مایوس

رنگِ ز نظر رفتہ حنائے کفِ افسوس

تھا خواب میں کیا جلوہ پرستارِ زلیخا

ہے بالشِ دل سوختگاں میں پرِ طاؤس

حیرت سے ترے جلوے کی از بس کہ ہیں بیکار

خور قطرۂ شبنم میں ہے جوں شمع بہ فانوس

دریافتنِ صحبتِ اغیار غرض ہے

اے نامہ رساں نامہ رساں چاہیے جاسوس

ہے مشق اسدؔ دستگہِ وصل کی منظور

ہوں خاک نشیں از پئے ادراکِ قدم بوس

karta hai ba yad-e-but-e-rangin dil-e-mayus

rang-e-ze nazar rafta hina-e-kaf-e-afsos

tha khwab mein kya jalwa parastar-e-zulekha

hai balish-e-dil sokhtgan mein par-e-taus

hairat se tire jalwe ki az bas ke hain bekar

khur qatra-e-shabnam mein hai jun shama ba fanus

dariyafatan-e-sohbat-e-aghyar gharaz hai

ai nama rasan nama rasan chahiye jasus

hai mashq asad dastgah-e-wasl ki manzur

hun khak nashin az piye idrak-e-qadam bos