کرم ہی کچھ سببِ لطف و التفات نہیں

کرم ہی کچھ سببِ لطف و التفات نہیں

انھیں ہنساکے رلانا بھی کوئی بات نہیں

کہاں سے لاکے دکھائے گی عمرِ کم مایہ

سیہ نصیب کو وہ دن کہ جس میں رات نہیں

زبان حمد کی خوگر ہوئی تو کیا حاصل

کہ تیری ذات میں شامل تری صفات نہیں

خوشی خوشی کو نہ کہہ غم کو غم نہ جان اسدؔ

قرار داخلِ اجزائے کائنات نہیں

karam hi kuchh sabab-e-lutf-o-iltifat nahin

unhen hansikke rulana bhi koi bat nahin

kahan se lake dikhaegi umr-e-kam maya

siyah nasib ko wo din ke jis mein rat nahin

zaban-e-hamd ki khugar hui to kya hasil

ke teri zat mein shamil tiri sifat nahin

khushi khushi ko na kah gham ko gham na jan asad

qarar dakhil-e-ajza-e-kainat nahin