خشکیٔ مے نے تلف کی مے کدے کی آبرو

خشکیٔ مے نے تلف کی مے کدے کی آبرو

کاسۂ دریوزہ ہے پیمانۂ دستِ سبو

بہرِ جاں پروردنِ یعقوب بالِ چاک سے

وام لیتے ہیں پرِ پرواز پیراہن کی بو

گردِ ساحل ہے نمِ شرمِ جبینِ آشنا

گر نہ باندھے قلزمِ الفت میں سر جائے کدو

گرمیٔ شوقِ طلب ہے عین تا پاکِ وصال

غافلاں آئینہ داں ہے نقشِ پائے جستجو

رہن خاموشی میں ہے آرائشِ بزمِ وصال

ہے پرِ پروازِ رنگِ رفتۂ خوں گفتگو

ہے تماشا حیرت آبادِ تغافل ہائے شوق

یک رگِ خواب و سراسر جوشِ خونِ آرزو

خوئے شرمِ سرد بازاری ہے سیلِ خانماں

ہے اسدؔ نقصاں میں مفت اور صاحبِ سرمایہ تو

khushki-e-mai ne talaf ki mai kade ki abru

kasa-e-daryuza hai paimana-e-dast-e-subu

bahr-e-jan parwardin-e-yaaqub bal-e-chak se

wam lete hain par-e-parwaz pairahan ki bu

gard-e-sahil hai nam-e-sharm-e-jabin-e-ashna

gar na bandhe qulzum-e-ulfat mein sar jae kaddu

garmi-e-shauq-e-talab hai ain ta pak-e-wisal

ghafilan aina dan hai naqsh-e-pae justuju

rehn khamoshi mein hai araish-e-bazm-e-wisal

hai par-e-parwaz-e-rang-e-rafta-e-khun guftugu

hai tamasha hairat abad-e-taghaful ha-e-shauq

yak rag-e-khwab-o-sarasar josh-e-khun-e-arzu

khu-e-sharm-e-sard bazari hai sail-e-khanuman

hai asad nuqsan mein muft aur sahab-e-sarmaya to