ہے تنگ زِ واماندہ شدن حوصلۂ پا

ہے تنگ زِ واماندہ شدن حوصلۂ پا

جو اشک گرا خاک میں ہے آبلۂ پا

سر منزلِ ہستی سے ہے صحرائے طلب دور

جو خط ہے کفِ پا پہ سو ہے سلسلۂ پا

دیدار طلب ہے دلِ واماندہ کہ آخر

نوکِ سرِ مژگاں سے رقم ہو گلۂ پا

آیا نہ بیابانِ طلب گامِ زباں تک

تبخالۂ لب ہو نہ سکا آبلۂ پا

فریاد سے پیدا ہے اسد گرمیٔ وحشت

تبخالۂ لب ہے جرسِ آبلۂ پا

hai tang zi wamanda shadan hausla-e-pa

jo ashk gira khak mein hai abla-e-pa

sar-e-manzil-e-hasti se hai sahra-e-talab dur

jo khat hai kaf-e-pa pe so hai silsila-e-pa

didar talab hai dil-e-wamanda ke akhir

nok-e-sar-e-mizhgan se raqam ho gila-e-pa

aya na bayaban-e-talab gam-e-zaban tak

tabkhala-e-lab ho na saka abla-e-pa

fariyad se paida hai asad garmi-e-wahshat

tabkhala-e-lab hai jaras-e-abla-e-pa