عیسیٰٔ مہرباں ہے شفا ریز یک طرف

عیسیٰٔ مہرباں ہے شفا ریز یک طرف

درد آفریں ہے طبعِ الم خیز یک طرف

سنجیدنی ہے ایک طرف رنجِ کوہ کن

خوابِ گرانِ خسروِ پرویز یک طرف

خرمن بہ باد دادۂ دعوے ہیں ہو سو ہو

ہم یک طرف ہیں برقِ شرر بیز یک طرف

مفتِ دل و جگر خلشِ غمزہ ہائے ناز

کاوش فروشیٔ مژہِ تیز یک طرف

ہر مو بدن پہ شہپر پرواز ہے مجھے

بے تابیٔ دلِ تپش انگیز یک طرف

یک جانب اے اسدؔ شبِ فرقت کا بیم ہے

دامِ ہوس ہے زلفِ دلاویز یک طرف

isa mehrban hai shifa rez yak taraf

dard afrin hai tab-e-alam khez yak taraf

sanjidini hai ek taraf ranj-e-koh kin

khwab-e-garin-e-khusrau-e-parwez yak taraf

khirman ba bad dada-e-daawe hain ho so ho

ham yak taraf hain barq-e-sharar bez yak taraf

muft-e-dil-o-jigar khalish-e-ghamza ha-e-naz

kawish faroshi-e-mizha-e-tez yak taraf

har mu badan pe shahpar-e-parwaz hai mujhe

be tabi-e-dil-e-tapish angez yak taraf

yak janib ai asad shab-e-furqat ka bim hai

dam-e-hawas hai zulf-e-dilawez yak taraf