ہم سے خوبانِ جہاں پہلو تہی کرتے رہے

ہم سے خوبانِ جہاں پہلو تہی کرتے رہے

ہم ہمیشہ مشقِ از خود رفتگی کرتے رہے

کثرت آرائی خیالِ ما سوا کی وہم تھی

مرگ پر غافل گمانِ زندگی کرتے رہے

داغ ہائے دل چراغِ خانۂ تاریک تھے

تا مغاکِ قبر پیدا روشنی کرتے رہے

شورِ نیرنگِ بہارِ گلشنِ ہستی نہ پوچھ

ہم خوشی اکثر رہینِ ناخوشی کرتے رہے

رخصت اے تمکینِ آزارِ فراقِ ہمرہاں

ہو سکا جب تک غمِ واماندگی کرتے رہے

ham se khuban-e-jahan pahlu tahi karte rahe

ham hamesha mashq-e-az khud raftagi karte rahe

kasrat arai khayal-e-ma siwa ki wahm thi

marg par ghafil guman-e-zindagi karte rahe

dagh ha-e-dil charagh-e-khana-e-tarik the

ta maghak-e-qabr paida raushni karte rahe

shor-e-nairang-e-bahar-e-gulshan-e-hasti na puchh

ham khushi aksar rahin-e-nakhushi karte rahe

rukhsat ai tamkin-e-azar-e-firaq-e-hamrahan

ho saka jab tak gham-e-wamandagi karte rahe