آنسو کہوں کہ آہ سوارِ ہوا کہوں

آنسو کہوں کہ آہ سوارِ ہوا کہوں

ایسا عناں گسیختہ آیا کہ کیا کہوں

اقبالِ کلفتِ دلِ بے مدعا رسا

اختر کو داغِ سایہِ بال ہما کہوں

مضمون وصل ہاتھ نہ آیا مگر اسے

اب طائر پریدہ رنگ حنا کہوں

عہدے سے مدحِ ناز کے باہر نہ آ سکا

گر اک ادا ہو تو اُسے اپنی قضا کہوں

حلقے ہیں چشم ہائے کشادہ بہ سوئے دل

ہر تارِ زلف کو نگہِ سُرمہ سا کہوں

میں اور صد ہزار نوائے جگر خراش

تو اور ایک وہ نہ شنیدن کہ کیا کہوں

ظالم مرے گماں سے مجھے منفعل نہ چاہ

ہَے ہَے خُدا نہ کردہ تجھے بے وفا کہوں

ز دیدنِ دلِ ستم آمادہ ہے محال

مژگاں کہوں کہ جوہر تیغِ قضا کہوں

طرز آفرینِ نکتہ سرائی طبع ہے

آئینہ خیال کو طوطی نما کہوں

ansu kahun ke ah sawar-e-hawa kahun

aisa inan gasekhta aya ke kya kahun

iqbal-e-kulfat-e-dil-e-be muddaa rasa

akhtar ko dagh-e-saya-e-bal-e-huma kahun

mazmun wasl hath na aya magar use

ab tair-e-parida rang-e-hina kahun

ohde se madh-e-naz ke bahar na a saka

gar ik ada ho to use apni qaza kahun

halqe hain chashm ha-e-kushada ba su-e-dil

har tar-e-zulf ko nigah-e-surma sa kahun

main aur sad hazar nawa-e-jigar kharash

tu aur ek wo na shanedan ke kya kahun

zalim mire guman se mujhe munfail na chah

hai hai khuda na karda tujhe be wafa kahun

ze didin-e-dil-e-sitam amada hai muhal

mizhgan kahun ke jauhar-e-tegh-e-qaza kahun

tarz-e-afrin-e-nukta sarai taba hai

aina khayal ko tuti numa kahun