بس کہ جوشِ گریہ سے زیرو زبر ویرانہ تھا

بس کہ جوشِ گریہ سے زیرو زبر ویرانہ تھا

چاکِ موجِ سیل تا پیراہنِ دیوانہ تھا

داغِ مہرِ ضبطِ بے جا مستیٔ سعیٔ سپند

دودِ مجمر لالہ ساں دُزدِ تہِ پیمانہ تھا

وصل میں بختِ سیہ نے سنبلستاں گل کیا

رنگِ شب تہ بندیٔ دودِ چراغِ خانہ تھا

شب تری تاثیرِ سحرِ شعلۂ آواز سے

تارِ شمع آہنگِ مضرابِ پرِ پروانہ تھا

موسمِ گل میں مئے گلگوں حلالِ مے کشاں

عقدِ وصلِ دختِ رز انگور کا ہر دانہ تھا

انتظارِ جلوۂ کاکل میں شمشادِ باغ

صورتِ مژگاں عاشق صرف عرضِ شانہ تھا

حیرت اپنے نالۂ بے درد سے غفلت بنی

راہِ خوابیدہ کو غوغائے جرس افسانہ تھا

کُو بہ وقتِ قتل حقِ آشنائی اے نگاہ

خنجرِ زہراب دادہ سبزۂ بیگانہ تھا

جوشِ بے کیفیتی ہے اضطراب آرا اسدؔ

ورنہ بسمل کا تڑپنا لغزشِ مستانہ تھا

bas ke josh-e-girya se ziro zabar wirana tha

chak-e-mauj-e-sail ta pairahan-e-diwana tha

dagh-e-mehr-e-zabt-e-be ja masti-e-sai-e-sapnad

dud-e-mijmar lala san duzd-e-tah-e-paimana tha

wasl mein bakht-e-siyah ne sumbulsitan gul kiya

rang-e-shab tah bandi-e-dud-e-charagh-e-khana tha

shab tiri tasir-e-sahar-e-shola-e-awaz se

tar-e-shama ahang-e-mizrab-e-pur-e-parwana tha

mausam-e-gul mein mai gulgun halal-e-mai kashan

aqd-e-wasl-e-dukht-e-raz angur ka har dana tha

intizar-e-jalwa-e-kakul mein shamshad-e-bagh

surat-e-mizhgan ashiq sirf arz-e-shana tha

hairat apne nala-e-be dard se ghaflat bani

rah-e-khwabida ko ghaugha-e-jaras afsana tha

ku ba waqt-e-qatl haq-e-ashnai ai nigah

khanjar-e-zahrab dada sabza-e-begana tha

josh-e-be kaifiyati hai iztirab ara asad

warna bismil ka tarapna laghzish-e-mastana tha