بہرِ پروردن سراسر لطف گستر سایہ ہے

بہرِ پروردن سراسر لطف گستر سایہ ہے

پنجۂ مژگاں بہ طفلِ اشک دستِ دایہ ہے

فصلِ گل میں دیدۂ خونیں نگاہانِ جنوں

دولتِ نظّارۂ گل سے شفق سرمایہ ہے

شورشِ باطن سے یاں تک مجھ کو غفلت ہے کہ آہ

شیونِ دل یک سرودِ خانۂ ہمسایہ ہے

کیوں نہ تیغِ یار کو مشاطۂ الفت کہوں

زخم مثلِ گل سراپا کا مرے پیرایہ ہے

اے اسدؔ آباد ہے مجھ سے جہانِ شاعری

خامہ میرا تختِ سلطانِ سخن کا پایہ ہے

bahr-e-parwardin sarasar lutf gustar saya hai

panja-e-mizhgan ba tifl-e-ashk dast-e-daya hai

fasl-e-gul mein dida-e-khunin nigahan-e-junun

daulat-e-nazara-e-gul se shafaq sarmaya hai

shorish-e-batin se yan tak mujh ko ghaflat hai ke ah

shewan-e-dil yak surud-e-khana-e-hamsaya hai

kyun na tegh-e-yar ko mashshata-e-ulfat kahun

zakhm misl-e-gul sarapa ka mire pairaya hai

ai asad abad hai mujh se jahan-e-shayari

khama mera takht-e-sultan-e-sukhan ka paya hai