بہ نقصِ ظاہری رنگِ کمالِ طبع پنہاں ہے

بہ نقصِ ظاہری رنگِ کمالِ طبع پنہاں ہے

کہ بہرِ مدعائے دل زبانِ لال زنداں ہے

خموشی خانہ زادِ چشمِ بے پروا نگاہاں ہے

غبارِ سرمہ یاں گردِ سوادِ نرگسستاں ہے

صفائے اشک میں داغِ جگر جلوہ دکھاتے ہیں

پرِ طاؤس گویا برقِ ابرِ چشمِ گریاں ہے

بہ بوئے زلفِ مشکیں یہ دماغ آشفتۂ رم ہیں

کہ شاخِ آہواں دودِ چراغ آسا پریشاں ہے

تکلف بر طرف ہے جانستاں تر لطفِ بدخویاں

نگاہِ بے حجابِ ناز تیغِ تیز عریاں ہے

اسدؔ یہ فرطِ غم نے کی تلف کیفیتِ شادی

کہ صبحِ عید مجھ کو بدتر از چاکِ گریباں ہے

ba naqs-e-zahiri rang-e-kamal-e-tab-e-pinhan hai

ke bahr-e-muddaa-e-dil zaban-e-lal zindan hai

khamoshi khana zad-e-chashm-e-be parwa nigahan hai

ghubar-e-surma yan gard-e-sawad-e-nargissitan hai

safa-e-ashk mein dagh-e-jigar jalwa dikhate hain

par-e-taus goya barq-e-abr-e-chashm-e-giryan hai

ba bu-e-zulf-e-mushkin ye dimagh ashufta-e-ram hain

ke shakh-e-ahwan dud-e-charagh asa pareshan hai

takalluf bar taraf hai jansitan tar lutf-e-badkhuyan

nigah-e-be hijab-e-naz tegh-e-tez-e-uryan hai

asad ye fart-e-gham ne ki talaf kaifiyat-e-shadi

ke subh-e-eid mujh ko badtar az chak-e-gareban hai