گلستاں بے تکلف پیشِ پا افتادہ مضموں ہے

گلستاں بے تکلف پیشِ پا افتادہ مضموں ہے

جو تو باندھے کفِ پا پر حنا آئینہ موزوں ہے

بہارِ گلِ دماغِ نشۂ ایجادِ مجنوں ہے

ہجومِ برق سے چرخ و زمیں یک قطرۂ خوں ہے

رجوعِ گریہ سوئے دل خوشا سرمایۂ طوفاں

بر انگشتِ حسابِ اشک ناخن نعلِ واژوں ہے

عدم وحشت سراغ و ہستی آئیں بندِ رنگینی

دماغِ دو جہاں پر سنبل و گل یک شبے خوں ہے

تماشا ہے علاجِ بے دماغی ہائے دل غافل

سویدا مردمِ چشمِ پری نظّارہ افسوں ہے

فنا کرتی ہے زائل سر نوشتِ کلفتِ ہستی

سحر از بہرِ شست و شوئے داغِ ماہ صابوں ہے

اسدؔ ہے آج مژگانِ تماشا کی حنا بندی

چراغانِ نگاہ و شوخیٔ اشکِ جگر گوں ہے

gulistan be takalluf pesh-e-pa uftada mazmun hai

jo tu bandhe kaf-e-pa par hina aina mauzun hai

bahar-e-gul-e-dimagh-e-nasha-e-ijad-e-majnun hai

hujum-e-barq se charkh-o-zamin yak qatra-e-khun hai

ruju-e-girya su-e-dil khusha sarmaya-e-tufan

bar angishat-e-hisab-e-ashk nakhun naal-e-wazhaun hai

adam wahshat suragh-o-hasti aen band-e-rangini

dimagh-e-do jahan par sumbul-o-gul yak shube khun hai

tamasha hai ilaj-e-be dimaghi ha-e-dil ghafil

suwaida mardum-e-chashm-e-pari nazzara afsun hai

fana karti hai zail sar nawisht-e-kulfat-e-hasti

sahar az bahr-e-shist-o-shoe dagh-e-mah sabon hai

asad hai aj mizhgan-e-tamasha ki hina bandi

charaghan-e-nigah-o-shokhi-e-ashk-e-jigar gun hai