نہاں کیفیتِ مے میں ہے سامانِ حجاب اس کا

نہاں کیفیتِ مے میں ہے سامانِ حجاب اس کا

بُنا ہے پنبۂ سینا سے ساقی نے نقاب اس کا

اگر اس شعلہ رو کو دوں پیامِ مجلس افروزی

زبانِ شمعِ خلوت خانہ دیتی ہے جواب اس کا

عیاں کیفیت مے خانہ ہے جوئے گلستاں میں

کہ مے عکس شفق ہے اور ساغر ہے حباب اس کا

اٹھائے ہیں جو میں افتادگی میں متصل صدمے

کروں گا اشک ہائے وا چکیدہ سے حساب اس کا

اسدؔ کے واسطے رنگے بہ روئے کار ہو پیدا

غبار آواہ و سر گشتہ ہے یا بو تراب اس کا

nihan kaifiyat-e-mai mein hai saman-e-hijab us ka

buna hai pumba-e-sina se saqi ne naqab us ka

agar is shola ro ko dun payam-e-majlis afrozi

zaban-e-sham-e-khalwat khana deti hai jawab us ka

ayan kaifiyat-e-mai khana hai ju-e-gulistan mein

ke mai aks-e-shafaq hai aur saghar hai habab us ka

uthae hain jo main uftadagi mein muttasil sadme

karunga ashk ha-e-wa chukida se hisab us ka

asad ke waste range ba roe kar ho paida

ghubar awaa-o-sar-e-gashta hai ya bu turab us ka